【中秋回到未來】「龍鬚糖」,「啄啄糖」親手造免費換 @ 大本型【短片】

【中秋回到未來】「龍鬚糖」,「啄啄糖」親手造免費換 @ 大本型【短片】
22 September, 2015 大仁生活
幾十歲仁從未食過龍鬚糖, 而啄啄糖以前嫌太硬, 少食少食
 

不過, 今日不止一次過食盡兩款老餅糖更親自落手落腳玩! 自己糖自己造又好似味道不錯喎.

 
今日約同豬豬, 子子去油塘大本型玩, 商場一早佈置成懷舊香港模樣. (唔講我以為去咗海洋公園添)
 
原來這是大本型慶中秋的活動, 就連天台也有一朵大荷花花燈不過陽光燦爛, 賞燈又早了5-6小時, 唯有請兩位老闆合照一張相便算.
 
不過老闆A:「我唔想影呀!好熱…(10秒我好唔好), 老闆B:「唔好數! 唔好數!…10秒就走得? 係米?(雖然兩位老闆話熱, 但一放佢哋任跑, 佢哋又唔怕熱囉, 仲跑到唔肯走添)
 
今日重點活動便是跟錢師傅學做糖…(師傅你做咗龍鬚糖幾耐呀?), 師傅:「我做咗30幾年喇, 好老喇…(你個樣似40)…哈哈哈, 講笑呀!
 
龍鬚由麥芽糖拉成, 師傅要將麥芽糖拉成絲師傅:12, 24咁拉14次囉, 咁就大約有一萬八千條絲」(點解師傅心算咁叻? 我只係識2~24咋喎」
龍鬚包入花生粒就完成, 師傅包的脹卜卜, 我包的扁坺坺…(點解咁醜樣?) , 師傅:「無所謂啦, 都係你自己食返啫(你都幾老實架喎!)
 
(師傅你最多一日包到幾多粒龍鬚糖?), 師傅:「年青嗰陣1800, E900粒左右啦」
至於啄啄糖非常簡單, 一個鏍絲批, 一個士巴拿, 鑿鑿鑿, 真的連3歲小朋友都識
 
我問師傅女兒:「你學咗做啄啄糖幾耐呀?, 她一邊鑿一邊答:「今日啱啱先嚟幫手咋」(咁又係我得閒師傅唔介意, 我都想嚟幫手)
 
香港風光老大街會一直舉行至928, 黃包車, 舊郵筒, 雀籠, 舊信箱可以時光倒流, 古老變時興, 小朋友應該全部未見過,  可能他們反而覺得潮物添.
 

囝問:「幾時再可以食龍布糖呀?」我答:「係龍嘅鬍鬚, 所以叫龍鬚呀!, 926, 27日中秋正日, 只要消費滿$100, 就可以免費換取錢師傅手功龍鬚糖及叮叮糖啦!!  (係米好廣告呀呵??)

 
 
日期:2015918日至928
時間:下午2時至晚上10
內容:以電子貨幣於「大本型」消費滿指定金額,即可免費換領迷你月餅、「愛‧茶精品」、茗茶薄片禮盒或紅酒等禮品。
數量有限,換完即止。
「粵粹傳承「型」中秋」
日期:2015926日及927 (星期六及星期日)
時間:下午2時至3
地點:「大本型」地下中庭
內容:中國舞、相聲魔術、兒童粵劇、猜燈謎、龍鬍糖及叮叮糖懷舊小食攤位。
「月滿中秋慶團圓」
日期:2015926日及927 (星期六及星期日)
時間:晚上8時至9時半
地點:「大本型」空中花園
內容:中樂演奏、中式雜技、 LED 舞獅、LED舞火龍及猜燈謎。
 
 
 

Comments (0)

Leave a reply

jfb_p_buttontext
Shares