【上環奇遇記】有機健康甜食@Anything But Salads

【上環奇遇記】有機健康甜食@Anything But Salads
25 March, 2015 大仁生活
昨日提到我們一家三口去太平山街撐「茶.家」, 因為想感受外國風情, 於是一家三口席地而坐, 於堀頭巷的假草坡上嘆茶, 食蛋糕….
 
小小的堀頭巷共有兩大張假草坡, 我們坐的一張, 設於遠離「茶.家」兩個舖位, 正正就在後面一間名為「Anything But Salads」的小店側門外
因為我們懶洋洋的「攤」在草坡上兩小時, 不停見 「Anything But Salads」的一名肥哥哥出出入入為「茶.家」的客人清理紙杯, 紙碟
 
好奇的我問:「我哋係米坐咗你個地方??」好好人的Delon:「唔緊要啦!! 大家開心, 無所謂」原來這邊的草坡, 及兩張枱真的是他們的. (好唔好意思….)
 
因為口音問題, 我估計Delon不是香港人, 他答「我同哥哥, Calista都係新加坡人,大家夾份開E, 只係開咗幾個月, (食環有冇攪你哋呀??), 我哋傾好咗啦, 以後剩係五, , 日擺出嚟, 平日就收埋, 樓上住客都同意」
(係唔係「茶.家」啲客成日坐過離, 好似我哋咁麻煩??) Calista:「隔離鄰舍, 你幫吓我, 我吓你, 最緊要大家有得做」(我估唔到Calista識講中文)
 
我最初以為「Anything But Salads」只賣沙律四人大笑…Delon:「我哋本來係網店, 除咗沙律之外, 所有健康食品都賣嘅之後係石門開店, 因為太遠, 所以搬嚟上環」
我上網發現, 原來Calista曾因腫瘤需動手術, 及後想生活更加健康, 於是放棄律師工作, 每日鮮製30多款健康零食. (點解太平山街一條後巷就有咁多靚女律師老闆?? Nana又係, Calista又係莫非E度風水旺律師??)
 
因為剛才吃了蛋糕, 之後又再晚飯, 所以我們只能買朱古力Truffles及馬加龍來,試食.
 
原來沒有麵粉, 只用腰果粉, 椰子糖, 杏仁等材料, 無須焗制的甜品, 食入口果然毫無罪惡感, 而且普通馬加龍甜度令仁驚, Delon的馬加龍好食到….??食完喇?? 唔夠喉, 唔夠喉
 
臨離開前, 我發現牆上有好吸引我的小食~開心+性慾~, (!!增強性慾嘅零食?? 點解無晒貨…) Delon微絲細眼笑笑說: 「哦! 其實係加咗可可粉咋哈哈」(Delon..你應承, 下次要留十包畀我呀!! )
 
 
 

Comments (0)

Leave a reply