請讓孩子享受自由的遊戲空間

請讓孩子享受自由的遊戲空間
8 April, 2015 鄧雪堯 堯堯老師

image

香港差不多每個公園的設施都大同小異,所以Sirius好耐之前已經係 [維多利亞公園-石仔池] 同 [香港公園-] 沙池嘅fans。

imageimage

image

Sirius 每隔一段時間就會要求去香港公園玩沙,出門口之前重要好長氣咁,一定要check 下我有冇帶齊玩沙的工具先安心。

image

每次一去到,就會好心急即刻除鞋,走落D沙道玩,通常都會先自己玩一大輪,可能10-15分鐘,有時又可能超過30分鐘。
之後佢會自己想盡辦法 join 埋其他在場的小朋友一齊玩,每次都要逗留超過一、兩小時先盡興。

而我就通常會聽到同見到好多得意嘅情況,有好大部分媽媽一經過見到呢個沙池,第一個反應,一定係想盡辨法同藉口試圖叫仔女唔好落去玩,理由係:D沙好污糟,你對鞋會入曬沙,太陽好囇你會好熱⋯

最搞笑係有D父母會制止小朋友玩沙時除鞋,好似呢位媽媽咁,堅持唔比個仔除鞋,仲要企正係個仔隔離,看住個已經小學嘅仔玩果部鏟沙車,好似好驚人霸左咁,其實在場十個小朋友十個都覺得D沙好玩過果部機囉。

image

係一個空氣流通同有太陽曬嘅公園入面,應該任何一樣野都唔會污糟得去邊,沙池入面D沙含菌量一定比會所/playhouse 的波波池少!

其實隻腳有沙去洗一洗腳就好容易洗乾淨番,但鞋同襪一入晒啲沙就真係好難攪。

當然有港媽先會有港童,怕熱、怕辛苦、怕污糟,講到尾其實可能都係父母自己比較驚啲。

image

請尊重小朋友遊戲的權利,俾佢地呼吸自由嘅空氣,霸唔霸到,同操唔操作到果部鏟沙車,從來都唔係重點,玩到好污糟,玩到一身汗,其實都冇咩咁緊要,最緊要玩得開心!請讓孩子好好享受自由自在的遊戲空間!

image

Comments (0)

Leave a reply