【懶人運動包】唔駛錢!! 零時間運動 @ 「愛 + 人」

【懶人運動包】唔駛錢!! 零時間運動 @ 「愛 + 人」
7 June, 2015 大仁生活
我是一個30年不做運動的仁, 早兩日看到小小豬成長日記, 見到他很可愛的在做「零時間運動」, 零時間, 零金錢, 零器材就可以做運動, 正喎!!
坐在公司可以做, 等車可以做, 等人一樣做得. 上網找找資料, 原來這是由賽馬會「愛 + 人」計劃提倡.
今日等巴士, 我就教SY齊齊做….
(SY問我做嚟有咩用? 我話運動麻…他竟然答:我體育堂係跑步喎, 唔係企係度㗎…鬼唔知咩, 爸爸懶吖麻)
網上教學, 「單腳站立」: 盡量維持最長時間, 嘗試左, 右腳輪流交替, 這個可加強腿部肌肉, 及鍛鍊平衡力. (我每隻腳都做到15秒㗎!!)
SY做的是「腳尖站立」: 將隻腳腳跟提起, 放下. 同樣是加強小腿肌肉,改善平衡力. (E招最易, 阿囝趌起真係可以郁都唔郁喎)
之後就是「手指鬆筋」: 任何時候, 只要雙手出盡力握緊拳頭, 2秒後鬆開彈出手指, 重覆及用力多做幾次. (阿囝不知多興奮…佢話幪面超人出拳喎)
這個可以放鬆手指的肌肉, 舒緩長時間使用電腦, 或手機出現筋腱拉緊的情況。(阿囝話放鬆時就係Iron Man出炮之時)
返工, 或者屋企睇電視坐底時, 一樣有3項運動可以做:
「坐倚體前伸」: 正常坐着, 一隻腳伸直, 另一隻腳曲膝, 身體向前傾, 雙手量盡觸摸腳趾.
好處可以伸展背部及後大腿的肌肉,增加柔軟度. (不過, 伸直的腳筋, 會有被拉得出現點點酸酸痺的感覺)
「坐姿提腿」: 坐穩,雙腳先平放地上, 一邊小腿向前伸直, 停留數秒, 之後回復原位, 之後另一邊小腿接力, 輪流各做數次. 可以加強大腿肌肉.
「踩空氣單車」: 坐著時雙手扶著座椅邊緣, 支撐身體, 雙腿似在空氣中踩單車般轉動。
可以增加下肢的血液循環, 減輕因久坐而出現的水腫。
今天我第一日做, 未見任何成效, 網上資料顯示, 做齊以上運動, 可以燃燒更多能量、強化肌肉、增強心肺功能. (好似好正喎…希望我有恒生維持到1個月啦!!)

Comments (0)

Leave a reply