【超級雙瓜盅】甜品店木瓜盅併西瓜盅

【超級雙瓜盅】甜品店木瓜盅併西瓜盅
21 July, 2015 大仁生活

之前食生果盅食到上癮, 所以日日努力尋找還有那裡有得食.結果原來遠在天邊, 近在旺角就有.

相關網址:原隻菠蘿冰 @ 大圍 Sister Korea  Café

這間糖水舖, 我經常由紅磡坐小巴回旺角都見到, 可以說「睇住佢開」, 但從來未有衝動去試食, 想不到竟然禾稈冚珍珠.

她們下午4時營業, 今日我3時左右到達, Ashley:「唔緊要,我哋都已經開咗架啦」(真正今日成為佢哋第一個客添!!)

:「唔該一個西瓜盅,一個菠蘿盅」, Amy:「唔好意思, 菠蘿有時令, 暫時未有, 不如要木瓜, 但要等, 我哋要出去買木瓜只出咗一個星期」(好嘢??等等等…點都等)

於是今日便點了雙瓜盅. 我問:「三款生果盅, 邊款最多人叫?),  Amy一邊幫我挖空西瓜, 一邊說:「一定係西瓜, 平均每日都賣到廿幾個, 夏天夠涼麻」

(點解咁大個蜜瓜, 係米有蜜瓜盅?) 女店員答:「唔係呀! 蜜瓜做盅太大個喇, 我哋係用嗰D蜜瓜粒啫

西瓜盅是先挖走大約三份二的西瓜肉, 再放入雜果, 及雪糕. (Amy好快手, 5分鐘已經挖定半打西瓜勁呀!磨打手一樣)

三款生果盅, 都是先可以選擇黑珍珠, 涼粉, 或西米做底, 之後雜果就有齊火龍果, 芒果, 蜜瓜, 西瓜, 雪糕則可以8款揀一款.

其實我心諗, 又要挖又要重新逐粒放回入盅內, 真的好花功夫.(日日係咁挖, 都唔知駛唔駛睇鐵打添)

鎅開的西瓜蓋, 每一個尖角也放一粒士多啤梨, 出來效果好靚, 似十足一個太陽,  Ashley:「影相呃Like好啱架.

(係米三個生果盅全部都係新推出架?) Ashley:「我哋個西瓜2年前開舖就有, 菠蘿就上年有囉」(咁耐架喇, 唔掛之得前面都有間舖抄你哋啦)

木瓜盅的製作情況與西瓜相約, 不過Ashley要先將中間的果籽全部清理, 才將木瓜肉挖走, 再舖上雜果. (即係又再多咗一重功夫)

不過木瓜就則是「見幾多, 食幾多」, 今次我配了荔枝味雪糕, 為木瓜盅加了不少分.

 (如果木瓜盅外圍也舖上生果, 黑珍珠,  則似十足小舢舨暢遊生果河中應該超正得多)

原來, 生果盅的雜果可以自行揀選, 早知我叫佢走火龍果, 畀多啲芒果我啦蝕底, 因為我都唔鍾意食火龍果.

木瓜盅與西瓜盅的價錢一樣, 不過感覺西瓜抵得多, 因為西瓜內膽大得多, 而且吃畢雪糕, 雜果, 及涼粉後, 還有四份一西瓜肉可以食.

因為「食極都有」, 我還是強烈推介西瓜盅, 又甜又涼又大件. (都係嗰句下次嚟私人整份蜜瓜盅我啦夕張蜜瓜唔該)

 

 

Captain糖甜品專門店 :  旺角黑布街88號地下

 

大仁生活facebook

Comments (0)

Leave a reply