【迫爆!!】美少女戰士市集~排足60分鐘等入場

【迫爆!!】美少女戰士市集~排足60分鐘等入場
26 July, 2015 大仁生活
觀塘駱駝漆有「美少女戰士」市集, 跟所有朋友說, 人人的標準問題:「乜Sailormoon都有市集嘅?(真係不得不佩服攪手的創意)
 
我從來未去過一個市集, 要排隊一小時才能入場,今日終於見識到. (偷聽工作人員說:1點先開, 11點就有人係門口排隊真係神心

 
當中有人質疑員工, 她答:「今次唔係我哋攪, 佢哋只係租咗兩間房, 宜家又無吉房, 大家唯有都係等(好彩我入咗大堂有冷氣頭先Lift口熱到爆)
 
等到發呆後, 終於可以進入, 全場唯一Cospaly檔主, 亦是最最最搶眼, 變身天王遙的閃閃. (如果個個檔主都變身, 氣氛一定正過E!)
 
閃閃與一班美少女粉絲朋友, 早前創作BB口水肩試試反應,「估唔到反應又好好, 可能同Sailormoon  20周年有關」(當年嘅美少女全部變晒美少婦每人買一件畀BB都發逹)
 
一向玩開Cosplay, 連出Cos的武器也是自己製作的她, 今次特別造出一系列耳環:「第一次造飾物, 我好想畀多啲人知道Sailormoon有幾吸引, 幾靚麻」 
 
(市集同動漫展撞期, 咁你今日米去唔到出Cos?)閃閃興奮答:「一日之麻, E度全部都係Sailormoon粉絲, 開心好多」
與天王星戰士道別後, 我發現Apple正忙於為客人畫美少女Henna…
 
(你畫開Sailormoon Henna?) Apple:「唔係呀! 我平時畫一般嘅圖案, 今日特別麻, 所以就幫人畫S代變身器」
印章合部人手雕刻, Apple:Q版小瑩, 露娜, 同阿提密斯都係我專登為今日市集雕架, 如果你早啲嚟多幾款, 不過頭先賣咗(我都一早嚟, 不過係出面排唔入得啫)
 
檔位有兩個正常版本的美少女印章, 但就是非賣品,  Apple:「因為版權問題, 我自己整嚟玩, 唔賣架」(點解得唔到先係最靚嘅?)
 
 
 
喜愛紫色的Joly愛土萠瑩, 她說「我都鍾意倩尼迪公主, 不過因為小瑩係紫色, 而我又最鍾意紫色囉」
本來Joly特製了4支美少女變身筆, 但亦是一開場就賣晒, 「我唔接訂單住啦, 無時間造呀遲啲先啦」
變身筆不接訂單, 但貼滿bling bling, 鞋背還有一個戰士小蝴蝶的公主鞋則無問題, 「有咁嘅概念, 鞋就會接Order, 因為人人Size唔同麻」如果出Cos扮公主超搶.
之後就是全場最熱鬧, 最墟冚的攤檔, 三大個紙皮箱, 全部堆滿90年代原裝Sailormoon玩具… Meow Meow 的攤檔.
 
(!!我以為發達啦跳樓價, 點知全部幾百至幾千好似有D, 就咁亂堆一通, 睇到都有啲肉痛)
 
SS攻擊捧, 可以對應玩具紅外線齊齊玩, 不過, 現在要找回天馬杯來對應都難. 1995, 可能外盒質素問題, 所以只售$1500
 
SS代的變身捧, 四戰士都是用同一款, 所以玩具附四人的圓形圖案可以放入變身捧扮變身, 1995  , 罕有程度超高, 現時售$2700
 
星光三戰士的攻擊武器, 我當年於太子一間舊玩具店也試過以$128購入之後好像搬屋不見了今時今日售價過千. (我問完唔記得咗)
 
Moon有一段熱熾戀情的星野光,1996, 最受歡迎的星野光超抵價$650 
 
Meow與男朋友因為今次市集專誠走到日本掃貨, 「一半半啦, 為咗市集, 又為咗我哋下星期係APM附近開嘅舖頭, (賣咩架?), 全部都賣Sailormoon架」(!勁喎好想你哋快d, 我想嚟睇喎)
 
 
最初美少女市集宣傳會辦兩天, 可惜現實就變成一天, 「迫爆市集」我第一次見, 攪手可以考慮再「安歌」.(而我就最想很快會有大口仔市集,小寶寶市集啦!)
 

Comments (0)

Leave a reply