【生日套票有著數】畀多2300円入迪士尼‧有禮物仲不停有祝福

【生日套票有著數】畀多2300円入迪士尼‧有禮物仲不停有祝福
31 August, 2015 大仁生活
:「香港都有迪士尼啦! 山長水遠去日本又係去迪士尼?
:「咁你個囝鍾意, 你去唔去吖?(一出皇牌, 當然羸晒啦!)
 
18年沒有再去日本迪士尼, 原來變化真的很大, 是我記憶錯配, 還是東京迪士尼真的擴建了, 不得而知, 但阿囝好似撞邪一樣的興奮就是事實.

 
朋友P兩星期前一樣遊日迪士尼我看到他們購買了「生日服務套票」, 好奇一問, 原來只要上網多付2300日圓, 便可以有公仔, 有紙相架, 有生日襟章.
 
(我哋唔係生日都申請得), 朋友P:「車!你有錢就得啦, 無人Check嗰個生日襟章, 一帶上身, 人人經過都同你講生日快樂, (咁米好正囉), 煩到死就真」
為了預先和阿囝慶生, 所以阿太出發前就在網上訂了門卷, 果然今日人人也為身帶生日章的人送上祝賀.
 
 (因為囝嫌襟章太重, 之後變了阿太配帶, 臨走前變了我, 所以我們一家三口也先後不停有人祝福, 今日真係全家都好幸褔呀!)
 
PS: 點解日本迪士尼咁貴, 大人9200日圓原來香港迪士尼真係好抵!
 
我又問朋友P有冇乜嘢係必玩呀? 朋友P:Star Tour 同怪獸大學一定要玩呀史迪仔同ToyStory就同香港一樣…(!即係玩完頭兩個就走得!!) (:爸爸你唔係講笑呀?)
 
 
原來Star Tour就是星球大戰, 一大班人坐上太空船, 戴上立體眼鏡, 左搖右擺, 橫衝直撞, 阿太:「好刺激呀!」阿囝:「好驚就真」, :「如果再衝勁D, 仲正!」阿太:「你都變態!
大家記得如果去玩Star Tour, 一定要左邊, 及右邊太空船各玩一次, 因為畫面內容會有不同呀! (阿囝:「一樣都係咁驚)
好玩指數:★★★★★
等待時間:耐耐
 
怪獸大學即等同香港的巴斯光年, 不過巴斯光年用槍, 有得計分, 怪獸大學就用電筒, 照「M」字最欠缺投入感, 就是不計分
 
Star Tour可以同一時間可以容納6部太空船, 每艘船20, 所以早上最多人時間也只排了30分鐘, 相反, 怪獸大學足足要等足120分鐘才可以入場
 
幸好, 我們一早12時拿了快証..!! 晚上9時20分. (我話走話走, 卒知也敵不過一老一嫩, 等到放完煙花, 10點先可以走人)
 
 
好玩指數: ★★★★
等待時間: 耐耐耐耐耐
 
那中間我們又做了甚麼呢? 不聽朋友言, 吃虧在眼前, 日本的巴斯光年, 與香港的真的Twins一樣阿囝:「一樣, !E度又係, E邊又係」(根本就100%無分別點解我仲要嘥90分鐘排隊呀??)
 
當中我們遇上三隻小豬, 與大豺狼阿囝問:「點解個姐姐要搵豺狼簽名呢? (可能佢鍾意隻豺狼囉), 我唔鍾意, 佢條脷咁長, 咁恐佈」
 
原來, 日本迪士尼的爆谷除了焦糖味還有鹽味, 及咖哩味我問爆谷姐姐:「點解糖味爆谷車仔少人幫襯, 但咖哩味就大排長龍呢?
爆谷姐姐:「日本人冬天先比較鍾意食甜爆谷, E家係夏天麻」(! 原來如此咖哩味爆谷薯蛋頭只有阿太說好食, 我和阿囝都係傳統香港人揀了三眼仔甜爆谷)
 
今日, 阿囝應該同一日之內, 洗手次數, 就是一整年的總和因為米奇頭番皂泡不易玩
 
園內有不少洗手盤都有米奇頭番皂泡, 但有專人教授的, 只有飛濺山下的水龍頭
 
其實, 我也覺得有少少浪費物資因為米奇頭不是一學便會, 最少要要苦練3-4
 
(有時都係有人幫手好, 否則真係洗手都洗到都甩, 隻米奇都未成形)
 
人人都說:「日本迪士尼啲嘢真係靚好多, ! 就連走入餐廳, 買一份甜品, 也會連杯, 連碟送你一套
 
(當然羊毛出自羊身上, 其實蛋糕價一早包含成本), 阿太不停:「好靚! 好靚呀! (乜你鍾意愛麗斯咩?), ! 靚就得啦你理得我」
 
最後必買就是三眼仔綠茶糯米糍, 我買的原因….當然就是要儲那個三眼仔頭的小盒啦!!
 
糯米糍好食與否已經不重要…(當然只要是朱古力, 阿囝就一定話好好食啦!), 三粒也是不同口味….不過當日我已經攰到喪失了味覺.
 
今晚沒有煙花, 變成燈火匯演等等等等等等!!… 阿囝:「嘩! 成個天光晒(我都一天光晒, 可以返酒店啦!)
 
日本迪士尼會不會營業時間太長呢? 十點關門, 我們十一點半才回到池袋, 絶對去迪士尼辛苦過返工再見啦! 日本迪士尼15年後先才來探你啦!
 
 

Comments (0)

Leave a reply