【嘜仔燈籠!!正呀!!】舞火龍舞到我隔離!! 超超超近呀…@薄扶林村

【嘜仔燈籠!!正呀!!】舞火龍舞到我隔離!! 超超超近呀…@薄扶林村
28 September, 2015 大仁生活
每年中秋節, 我們的指定盛事就是與龍共舞, 一晚陪大坑火龍, 另一晚則找薄扶林火龍嬉戲,
年年也興奮到爆!!
 

不過今年我沒有假期, 所以只能二選一. 結果, 我揀選了能近距離接觸火龍的薄扶林.
 
薄扶林村舞火龍1987年復辦, 年年也是只在中秋正日舉行一天, 今年開始迎月夜細龍也出遊四周走走, 正日當然如常的大規模盛事.
 
每年大龍一定會走訪薄扶林村每條大街小巷, 如何可以最近距離目擊龍貌呢? (我上年已經諗定㗎!) 便是入村一邊食飯一邊等.
 
慧姐廚房家庭式經營, 友善得如同屋企人一樣. (但我第一次見慧姐咋喎)
 
慧姐:「你吔坐對面啦, 我開定冷氣先, 條龍就入嚟㗎啦, 嘢飲雪櫃自己攞…(?你唔驚我哋走咗去咩?), !幾十蚊一餐, 你真係走咗去米算囉哈哈」
我從未試過跟舞動中的火龍, 近距離得不足半尺!聲勢浩大,氣勢迫人大隻佬們團結大叫:Hey!Hey!Hey!前前前前停停停左邊, !…出發」
今晚的大龍更向阿太敬禮, 欣賞6年舞火龍, 真的最最最開心的一次.
 
開心的不止與大龍並肩同行, 我們竟然在龍尾遇到偶像MukoAngie, 原來Angie今年才第一次睇舞火龍:「舊年都有嚟, 不過嚟到條龍走咗啫」(畀我一定揼心到成晚瞓唔著覺)
 
睇完火龍, 當然就是走過旁邊的「菜園地」猜燈謎, 歎茶, 歎水果.
 
今年做了一個小舞台, 每位解謎者上台與司儀傾傾計講答案今年我們估:「一字十二划,都是点撇捺」(猜一個字)…答案在文章底部
!結果我們答中更贏了四支牙刷真高興, 真的又玩又食又拎
 
花燈晚會還有兒時玩意「嘜仔燈籠」提供, 姨姨說:「我哋村個個小朋友都玩㗎, 當年我細個都有玩…(咁邊個發明㗎?)…咁又唔知」
今晚阿囝推著「嘜仔燈籠」, 跑草坡足足跑了二十個圈以上連阿太也說:「點解你個囝唔攰嘅呢?

10分鐘就完成一個「嘜仔燈籠」的師傅解釋:「爛遮, 鐵線, 壽星公煉奶, 同一個線轆就攪掂, 我以前8, 9歲都有玩, 但唔多, 因為比啲大哥哥搶晒囉」(童年陰影!!)

 
雖然花燈晚會很開心, 但我們也要中途離開, 因為追龍的下一站便是要過華富邨. (懶人如我們, 棄步行, 選擇乘$4小巴, 五分鐘便到)
 
今年依然有雙龍出海, 直入香港仔瀑布公園. 我們22:10到達華富邨平台, 第一條小龍已經由一班年青人帶領下, 迅速抵達
 
因為我們乘小巴時, 大龍還在薄扶林村, 要不得的龜兔賽跑心理, 我提議:「不如去麥當奴食杯雪糕,
休息一下, 大龍無咁快嚟嘅」誰知….
 
過於「老定」的我, 吃飽雪糕後, 原來大龍小龍已經一早離開平台, 轉入了邨,一干人等已伴隨鑼鼓聲徐徐遠去.
我對阿太說:「我衝落去, 你帶囝慢慢來」於是我便急步向龍頭追趕上去…Yeah!! 慶幸大龍在斜路中央來了數次蟠龍舞動….我終於及時可以與牠四目交頭
 
HEY!!HEY!!HEY!!HEY!! 火龍最後便轉入公園, 離我遠去而我們亦順利完成任務, 阿太:11點幾啦快啲返屋企喇」大龍小龍! 2016年再見….
字謎答案: 「焱」

大仁生活facebook

Comments (0)

Leave a reply