【夏季限定一鑊泡】茂里學人造巨型大布甸~驚!! (慎入)

【夏季限定一鑊泡】茂里學人造巨型大布甸~驚!! (慎入)
21 September, 2015 大仁生活
話說上個月日本回港前, 我依然在成田機場繼續博殺就在上機前的DutyFree, 超大型固力果布甸閃入我眼心想:「嘩!買三個一人一個啦」
 
阿太:「咁大個點食得晒呀點解布甸唔駛放係雪櫃呢?」又望又搖之後, 阿太大叫:「要自己整架!傻佬, 放低啦, 你鬼識咩」(咁得意無理由唔買啫! 請槍…搵嫲嫲整囉)

 
全日文的說明書, 阿囝又要爭住睇, 我問:「你識日文咩? (唔駛識架, 抄字之麻)…你講咩?中文嚟架?(我識架啦你同嫲嫲一齊入廚房啦
 
小朋友真的很興奮, 每個步驟又要再三確定又要重復我說的步驟, 轉告站在我旁邊的嫲嫲知, 看來他真的很開心…(好似真係前世未入個廚房咁)
 
這個標榜較普通布甸大10倍的夏季限定版, 因為要用1000ml牛奶去做的, 但我的日文確實水皮, 看錯以為用100ml去完成阿囝:「點解唔似布甸嘅?
說明書的錯, 1000ml為何寫成「1L, 對從來不看食譜的我來說, 簡直難以估計
 
我真的不明白烹飪有何樂趣, 又要攪, 又要加熱, 之後再又冷卻…翻來覆去才可以倒回原來的布甸桶, 十分麻煩. (廚房真係唔啱我, 睇嚟我絕對做唔到食平4D之類的節目)
 
因為我們的牛奶不夠1000ml, 本來就以為:「無所謂啦!當食少啲啦」, 誰知日本人是份量控, 少了一部份, 出來就一定有問題
 
當我們倒入焦糖的時候, 就發現布甸太杰, 焦糖注不到底部…(即係完成品, 面頭無咗靚靚黑色頂帽)
囝安慰我:「唔係呀, 有黑色呀..(點會係側邊咁核突?), 都好靚吖爸爸, 我哋食囉」
我答:「未食得架, 要雪8個鐘先可以食…(:??我好心急食, 又要等)….前事完.
 
第二晚, 我們將霹靂大布甸由雪櫃取出倒轉一拉出來登登登凳!! 好恐佈布甸斜塔, 而那隻碟又太細, 結果變成一個焦糖傾斜的布甸怪.
 
怪型怪相布甸當作生日蛋糕, 就順理成章為阿囝慶生. (!!有時都米話唔佩服自己, 咁又可以慳返一筆, !!~老老實實…E坺嘢睇見都無胃口)
 
至於布甸好味與否, 我只會想:「直接去一田買即開即食嘅仲好過, 太大過, 真係十個人食都食唔晒,
今次真真正正係…又唔好睇, 又唔好食啦」

Comments (0)

Leave a reply