【第二擊12隻嚟啦】同哈囉吉蒂貓結成密友 @ 7-Eleven x Sanrio

【第二擊12隻嚟啦】同哈囉吉蒂貓結成密友 @ 7-Eleven x Sanrio
13 January, 2016 大仁生活
7-Eleven x Sanrio 第二擊終於有得換啦!! 「每晚與哈囉吉蒂貓結成密友狄波拉就幸福啦, 仍然少女仲恨嫁㗎
 
今次12位朋友還原基本步, 變回掛飾毛公仔, 接力陪大家玩層層疊, 扮Hea扮萌過新年.

SY一見到布甸狗, 雙眼發光:「好嘢! 我最鍾意嘅布布呀! 點解咁橋, 布布係黃色, 佢扮蜜蜂又係黃色」(梗係計過度過嘅, 點會咁橋吖)
 
今次終於有我最最最鍾意的大口仔點解第一期無大口份呢?  大口仔我覺得「你Charm得有如吳彥祖轉世」. 根本GATSBY都毋須用啦!!  
 
不過扮熊貓不夠搶眼, Melody可以和他對調做甲蟲就好啦!!
 
我問SY:「數唔數到有邊個公仔兩次都有出現」這個有如Photo-Hunt最好, 又可以消磨幾分鐘, 等我又可以上網拍賣吓Bearbrick.
 
SY:「六隻囉…Kitty, 蛋黃哥, Melody, 布布, 蛙蛙, 同藍色嗰隻好大個口囉」(係米E六隻最紅, 所以兩次都出現呢?)
 
水怪扮小飛象真的好傻傻更更, 不過最搶一定是扮雞的玉桂狗可能我見過玉桂狗, 今次Size做得大了一點, 細少少就更似更靚.
 
今日, 12Sanrio動物公仔113日可以換啦我都要落樓下, 換埋Hello Kitty熱氣球收納袋, 齊齊整整, 玩具是用來收藏呀!!
 
SY:「吓? 又無得玩? 又係收返入個櫃呀?」阿囝歌也有得唱「我不玩也為活得好, 你問我想點, 唔能知道」玩具一玩就貶值啦!! (不過, 阿囝沒有討好老豆, 一手已經拿走了布布, 不停玩玩玩)大仁生活facebook

換領方法︰由13/1開始,憑18個印花即可免費隨機換領,或以7個印花加港幣20元隨機換購其中一款,亦可同時買滿 $20後,以換購價$188換購Hello Kitty熱氣球收納袋一個。 

Comments (0)

Leave a reply