太安樓「手打牛肉漢堡」神店搬去灣仔

太安樓「手打牛肉漢堡」神店搬去灣仔
23 February, 2016 大仁生活
在太安樓一度被捧為漢堡神店的「味口福」, 由細舖搬過灣仔大舖,  平民價「手打漢堡」我的至愛, 一定要去試啦!
SY問:「有冇薯條食架?」其實我不知道, 因為西灣河太遠,  所以當年「味口福」日賣400個「手打漢堡」, 今日我才第一次食.(好老套!)
80年代, 強哥於FURAMA任大廚, 之後在加拿芬道已經賣手打牛肉.
他說:「打一盤牛肉30分鐘啦, 不過E家交晒畀徙弟打, 自己有時間先客串咋」
下午茶餐最著數, 手打牛肉漢堡($33), 沙律醬中間有數粒小蘑菇,  幾得意!!

原來可以額外加配料, 總知再加芝士, 菠蘿, 之前店員又唔提提我嘅??

店舖標榜澳洲穀飼牛肉, 不過, 個人覺得「味口福」的炸雞髀出色得緊要.

下午茶炸雞髀配雜果沙律, 或薯角($39)! 嘩! 強哥炸雞脾絶對可以稱王,  皮脆又沒有漿粉, 簡直可以媲美九龍灣之寶日月星級數.

肉嫩又夠多汁, 最正是脆岳岳的雞皮, 罪惡就罪惡, 食完才慢慢懺悔啦.

第一次食咖央的SY:「咩係咖央? (我:有椰漿、牛油、蛋、糖…總知好食啦)」

(其實我都唔多知,  只係知係馬來西亞傳出嚟…我好鍾意食, 阿太嫌太甜喎!!)
被SY喻為:「真係好食過平時D西多士多多聲…」, 當然,  塗咖央醬一定搶過花生醬, 我去親維記都一定要食. ( E度$26包熱飲, 抵到爛!)
其實「味口福」在太安樓開業多年, 因為加租, 所以良哥,  強哥決定搬舖…

良哥:「我哋搵過北角啦、東大街啦…全部臨門一腳就撻Q,  最終上年11月就搵到E度」

(可能我黑心, 其實, 我要多謝那位加租的業主先生, 否則我都唔可以係灣仔食到正嘢啦…)
良哥:「你下次嚟試埋我哋個魚聊包, 原條長魚聊, 我自己都覺得好食…(你煮咩最拿手?),
我唔識煮架, 我只係識食」(咁米同我一樣, 我下次一定嚟試)

味口福
地址 : 灣仔道207號地下CB鋪
電話 : 28400923
營業時間 : 12mn-10:30pm

大仁生活facebook

Comments (0)

Leave a reply