【西環深夜食堂】通宵營業 滿瀉愛咁好食

【西環深夜食堂】通宵營業 滿瀉愛咁好食
3 April, 2016 大仁生活
Avatar
In Articles, Blog, 大仁生活
上星期三超高興, 仁生第4次走到西環. 當晚因為「萬家超市」而過去. 一間充滿愛, 充滿人情味的小店. 由恩愛的波哥波嫂二人合力經營.
 
波嫂Wendy:「我哋用鹿兒島雞蛋, 真係好鮮又重蛋味」.  超班食料,  但價錢街坊,
 

 
飯竟然用上「越光米」, 這款新潟縣的米超濃米香,
黏性吸引, 一打開飯煲已經有強烈流口水感覺.
 
 
 「臘味炒飯」, 及「芝士腸火腿鹿兒島蛋飯」,
都是Wendy愛食的東西, 波哥為太太特別加入Menu.
 
 
(愛妻之選喎!!好冧呀!!) 波哥:「佢鍾意食, D客食完又鍾意先最重要」(唔駛兜啦!! 總之滿瀉愛啦)
 
一定要試波哥的招牌鰻魚飯 ($88), 因為日賣80今日20:30已經售罄, 我們是尾二的一碗 ~好彩剛剛行快兩步.
 
 
超長鰻魚, 足足有一部半Note5長度, 勁抵食. 這裡的鰻魚算肥美, 入口即溶, 嫩香鮮甜沒有刺.
 
 
波哥:「話晒日本鰻, 我哋唔會用台灣貨, 一食就知分別㗎」
(你落D咩係飯面呀?) 波哥:「鰹魚碎, 日本好普遍, D飯會更香」
萬家前身是超市, 因為去年業主加租3, 所以兩夫婦決定搬到現址, 波哥:「我不嬲好鍾意煮嘢, 舊舖太細, 只可以同客人口頭分享, E家大咗, 索性分一半出嚟做食肆」
(點解你哋開到咁夜?) 波哥一邊炒飯一邊答:「因為好多熟客出面做食肆, 佢哋
返到西環, 太夜無嘢食, 大家張就下囉」
波哥續說:「有時D學生傾吓計, 飲吓酒, 又叫埋我, 試過有客人慶祝生日食到4大家開心, 無所謂啦…哈哈哈!!」
店內有唯一一款非日本料理, 亦是波哥根據媽媽的味道泡製的清遠走地雞($50).
 
(明明你賣日本料理, 點解特別有款清遠走地雞?) 好客的波哥:「因為一向我哋賣凍肉, 原隻清遠雞最受街坊歡迎呀!
波哥續說:「 既然咁多人買, 我哋諗, 不如學我媽媽造法, 攞嚟做鹹雞飯,點知街坊又鍾意食, 香港人好鍾意食雞飯㗎」
波哥的雞飯預先調味, 所以肉嫩又夠味, 不過貪心的我, 將整碗雞汁倒了入飯, 感覺鹹味太重, 如果放一半, 或者直接點雞食, 一流一享受.
 
(你點識煮日本嘢呢?) 波哥:19歲我去咗日本民宿住咗3, D姨姨手煮飯, 嗰時佢哋教我嘅, 不過, 我都係邊學邊煮, 有時係D客教返我添」
這裡有小食「美國黑毛牛芯肉 ($48)」, 肉汁多, 又香

 

 
波哥:「美國牛實肉D, 無咁肥, 味道出D囉」(真係好食,  不過得4舊, 唔夠喉)
從前萬家賣凍肉, 不過7年前一次意外, 波哥切肉切斷了無名指, 用了一年時間去治療.
 
波嫂從此不准波哥切肉, 於是便開始兼賣日本食品,
這就是萬家超市皺形.
 
Wendy:「最初我哋乜都唔識, 要偷偷去SOGO抄代理聯絡, 日本人唔熟又唔理你, 結果頭一段時間, 只係賣烏冬」
現在, 幾乎大部份日本食品也可以買得到, 價錢非常街坊. 而且還可幾試飲試食. 今日有小朋友就得到波嫂送他兩粒士多啤梨雪糕.
 
(咁試法…會唔會蝕本?) Wendy:「大家試吓先知好唔好麻, 唔好食點買, 試食食得幾多吖」對最愛貪小便宜的仁來說,
實在窩心.
 
 
 山長水遠走來, 一定要為「梅酒控」阿太帶手信回家,
:「你哋都有梅酒賣喎…阿太飲開Choya,
有舊梅係裡頭, 點解你哋賣嗰D無嘅?
Wendy:「咋貨先有梅㗎, 靚嘢係唔會有梅嘅, 如果你老婆酒量好, 買威士忌啦, 保証唔係雜梅造, 保身好好㗎!
阿太如獲至寶, 而我同樣被波哥的老火湯迷倒,
波哥:「我請你飲吖, 不過, 我哋連鹽都唔落, 可能你唔鍾意, 我自己都晚晚飲㗎」我的味精舌頭全無投訴,  就知波哥靚湯~超正啦!! 
 
 

萬家廚房
地址:西環卑路乍街124號聯基新樓地鋪
電話: 2855 1688
WHATSAPP:52713378
營業時間:12pm-2am

大仁生活facebook

Comments (0)

Leave a reply