【好多布甸狗呀!!】數齊有幾多隻蛋黃哥有禮物

【好多布甸狗呀!!】數齊有幾多隻蛋黃哥有禮物
3 May, 2016 大仁生活
Avatar
In Articles, Blog, 大仁生活
霎眼間, 上次一班Hello Kitty朋友扮完中國神話人物之後,
今次又變身啦, 西方童話是也, 我問SY:「你有冇聽過《國王的新衣》? 布甸狗會扮國王喎」

 

一聽到布布, SY發狂一樣:「我梗係有聽過啦, 個國王唔著衫, 話自己聰明, 咁甸甸都無衫著架啦, 真係好似喎甸甸, 甸甸」

因為大家都知道阿囝大愛布甸狗, 所以紛紛PM:「今次有好多布甸狗, SY見到一定好開心」

這位布甸粉絲, 由未入場已經進入亢奮狀態,
一入閘即說:「爸爸! 我去睇下總共有幾多隻布布先吓」, 之後便99跑走了.
 
因為上次中國神話, 我們玩到不願離場, 所以SY非常熟悉3D, 不足一分鐘, 他便瘋瘋癲癲的跑回來
 
他說:「真係有好多布布, 不過有一個無開..(:點解?), 油未乾喎, 唔開心」
 
:「哦!! 佢個盤上面個布甸未乾啫, 你唔掂佢都可以照影啦, 無問題」
今次布甸真的有點升Level, 因為出現次數, 較上次多幾倍, SY:「哈哈哈! E隻布甸好大甸呀!, 但係點解無咗頂帽嘅?(真係畫少咗咩?)

 

轉場時, 途經三隻小肥豬, 及小紅帽:「你走上床扮瞓覺啦, SY望一望床邊有條尾巴就說:「吓? 咁即係我要做狼呀? 我唔想
再走到下一情景, 我扮翻轉身的蛋黃哥,
SY
:「爸爸, 你咁樣會出界, 就唔立體, 你要跟返幅相先得」(創意呀!阿囝)
 
阿囝問:「爸爸! 點解今次少咗D嘢嘅? (:少咗咩?), 賣布甸公仔嗰間舖頭呀! 點解今次無布甸嘢賣嘅」(咁先好, 慳錢呀!3D館值得加許)
 
全場最似一個情景, 一定是勇救布甸狗, 布布游繩十分迫真, 阿囝:「真係好似, 布甸真係拉得辛苦呀, 爸爸!
我問SY:「點解玉桂狗都係狗, 但係你又唔鍾意呢?

 

 
SY: 「玉桂狗係畀女仔, 布甸狗就係畀男仔, 咁我梗係鍾意布甸啦, (點分?), 玉桂狗咁細粒, 梗係畀女仔啦, (你都細粒啦)
 
臨離開前, 立體3D紅心皇后 Kuromi 送客中, 望實大家說再見, 我跟阿太說:「官相做個心心手, 你兩個好似做到痙攣咁款」
今次除了數布甸, SY還多一個任務, 去數數全場有多少隻蛋黃哥, 這位小朋友很認真說:「好多喎, 每幅牆都有哥哥, 姐姐示範相, 入面都有」
結果, 遊戲都只是一種冠名的互動,
就自你答數目多少, 工作人員都會送你兩張蛋黃哥書籤呀!
今次靚過上次多多聲始終Sanrio人物與中國人物總有點違和感,
SY:
「上次布甸扮牛郎今次扮國王的新衣下次佢會扮咩呢?」希臘神話角色會著衫嗎?
 
 

HK3DM x Sanrio Characters奇幻二部曲
日期:即日至6月下旬
時間:10:00am-8:00pm
地址:尖沙咀東加連威老道96號希爾大廈1樓
門票:成人$120(星期一至五網上購票)、$149(週末及公眾假期);小童及長者$100(星期一至五網上購票)、$120(週末及公眾假期)
查詢:www.hk3dm.com.hk

大仁生活facebook

Comments (0)

Leave a reply