【$8抹茶泡泡】仲好食過「五層流心朱古力芝士包」

【$8抹茶泡泡】仲好食過「五層流心朱古力芝士包」
25 July, 2016 大仁生活
Avatar
In Articles, Blog, 大仁生活
一月初, 食過尖沙咀「麥上日光」的五重芝士包, 驚為天人詳情:【芝士永恒】好味! 食到舔埋隻碟.
雖然有人質疑究竟店舖是來自奧地利, 還是國內呢? 有同事說:「哎呀!!…咁你仲敢食呀?」 不過, 我不作深究, 因為好食大過天.

 
本月初, 店舖又在灣仔開了分店而且竟然開在軒尼斯道大街, 後台之強勁, 可見一班.
 
分店還加了4個座位, 2張小木枱我一走入店內即時對囝說:「正呀! 有冷氣, 可以坐低慢慢食啦如果好似尖沙咀嗰邊要外賣,
真係熱死」
灣仔分店, 獨家新口味「五層朱古力芝士軟包」$28/,
$100/4
.
 
半年前要在店外排隊, 等足30分鐘. 今日不用輪候, 而且大量現成貨等你買.
 
Cream cheese澳紐貨, 形狀和之前的芝士包一樣, 不過今次軟包不是沾奶粉,
轉了滿滿可可粉, 咬了兩口的SY, 被大量可可粉「濁親」:「太多咖啡粉, 好濃, 又苦, 無之前嗰個芝士包咁好食」
其實, 因為朱古力芝士醬比較淡口,
所以要靠包外沾大量可可粉來添味, 所以苦得小朋友以為是咖啡粉.
 
可是芝士味太搶, 所以只是顏色變了, 實質「朱古力味無定企」….
 
朱古力怪SY今日也放棄了整個包, 只咬了數口便說:「爸爸, 好彩你有買杯汽水畀我咋我唔食啦, 畀你食啦」
反而店內另一個「抹茶泡泡」$8, 更得人心, 上層似菠蘿包, 大小就如一個叉燒餐包, 內裡注滿忌廉芝士.
 
SY:「嘩! 好食過頭先個包好多直情係芝士撻嘅芝士, 流心呀! 爸爸, 我想食多一個, 有荔枝味添喎」
 
驚喜可能因為沒有期望, 而且$8有如此濃郁的芝士, 感覺抵好多.
 
PS: 五重芝士包, 如果可以提供刀, , 會食得更好. 因為連潔癖的我, 也食到枱又是粉, 凳又是粉, 雙手, 嘴角全是可可粉, 很難服侍喎.
 
 
麥上日光
地址:灣仔軒尼斯道338號北海中心地下C舖(顯示地圖)

 

營業時間:8am-9pm

Comments (0)

Leave a reply