最刺激彈床!放膽來挑戰啦! 《小車迷歷險@黃金海岸商場》

最刺激彈床!放膽來挑戰啦! 《小車迷歷險@黃金海岸商場》
13 September, 2016 Daidai & Pipi
Avatar
In Articles, Blog, Daidai & Pipi

最刺激彈床!放膽來挑戰啦! 《小車迷歷險@黃金海岸商場》

而家小朋友真係好幸福,雖然開學週很繁忙(可能媽媽繁忙些,勁多野跟=_=)但放假就可以去輕鬆,忘掉一切真係好開心架!

今日皮皮去左黃金海岸玩,明明之前落足一星期雨,但今日就非常天朗氣清,難得的藍天白雲,可以瘋狂We 嘩!

無錯!《We嘩!充氣嘉年華》又黎啦!上次去We嘩! 原來係5月的時係,等左成個暑假,終於在開學週和中秋節捲土重來!YEAH! 皮皮話好想去跳吹氣彈床,真係百跳不厭囉。。。

今次We嘩! 有個超刺激既新遊戲,就係呢個十米高嘅大滑梯是「極速方程式」~ 嘩!成2層樓咁高,我都好想玩呀~~~

皮皮平時好驚高既瀡滑梯,升左小學既佢好似勇敢左,一支箭上左充氣滑梯度~~~~

我同皮爸講,皮皮好似叻左喎。。。

但轉個頭,皮皮走左出黎話:「好驚呀!條滑梯超級高架!」

哈哈~原來皮皮瀡左1 round,高得滯好驚驚!但已經比之前進步,因為佢勇敢嘗試,雖然瀡得1次,但我地都有讚佢勇敢架!好叻仔!

呢個瀡滑梯成2層樓咁高,小朋友玩之前要衡量一下了,我見在場的小妹妹好勁,完全不驚慌,總覺得女仔大膽D(我都好中意玩刺激遊戲),如果好中意速度感和刺激既小朋友一定要來挑戰一下呀!

阿皮豬膽小,都係玩返D踏實D既遊戲好些^_^

今次船仔改左做電動船,之前是手動的,電動好似好玩好多喎!只是控制吠盤就可以駕駛到,好疏乎呢~~~

見到皮皮悠然自得個樣,加上風和日麗既天氣,呢個船仔GAME好值得玩~媽媽們都要拎哂手機出黎拍片呀!

之後就去左跳彈床,We嘩有幾款充氣彈床可選,如果買套票既話就可以比小朋友選擇邊個最想玩了!

 

瞬間拍到這張相,好搞笑呀!就跌就跌啦!

下一個項目去玩工程車,呢個GAME真是好受男生歡迎,仲啟發左皮皮大個要做工程師既夢想~~~(嘩!憧憬中~)

今日爸爸都玩埋一份,有爸爸指導下夾中既目標都特別多,成功了好開心架!

天氣太好,曬到冇朋友,都係玩下D文靜少少的遊戲~皮皮每次都嚷著堆沙沙,又是百玩不厭的GAME~~~

仲有We!嘩藝術廊~我最中意呢個,因為可以坐20分鐘,抖下@@(嘻)

十元小玩意有拋籃球,輸贏都好都有禮物送架!

另外射擊都是十元遊戲,亦有小禮物送返,抵返哂~~~

趁天陰少少就去海盗船跳跳跳!

Hello~ 唔好bang我啦(≧∇≦)

仲有勁型既坦克車充氣彈床!

女孩子就愛這座城堡彈床,各適其適~

趁中秋一連三日假期,來瘋狂一下啦!

睇下電動船有幾疏乎啦!

小車迷歷險@黃金海岸商場

日期:2016年9月10-11日及9月15-18日

地址:黃金海岸商場 (香港黃金海岸青山公路1號)

時間:上午11分至晚上7時

關於daidai & pipi
Daidai & pipi 的快樂魔法

Comments (0)

Leave a reply