【平民Food Court 必食5強】掃街新地標 ‧11檔小食撼葵廣 @ 荃灣 大食皇

【平民Food Court 必食5強】掃街新地標 ‧11檔小食撼葵廣 @ 荃灣 大食皇
3 October, 2017 大仁生活
Avatar
In Articles, Blog, 大仁生活
如果我說「荃灣地皇廣場 」, 未必人人認識…或者我說:「捐血站橋底直行, 之前係卓悅, 樓上有吉野家, 隔離係恒生嗰個商場呀!」
 
 
阿太:「真係喎…次次去路德圍都經過, 但就無一次行過E個場, E家開咗Food Court咁得意」

原來商場細細, 一樓已經變成一個摧有11間平民新 Food Court….
 
 
必食No1: 雞翼特飲杯 ($25) @ 「Cupking 杯仔王」
一般特飲杯一定是汽水, 無益特飲, 但May姐提供的是自家製雪耳露, 或酸梅湯, 二揀一.
 
 
全店也是台灣美食, May姐:「我本來係教練, 不過E家試吓做飲食…」
 
 
我本來以為只有4隻雞翼, 誰知May會多加兩塊又大又腍的蘿蔔, May姐:「伴一伴底就無咁單調」
 
 
單單超足料, 超潤的雪耳露已經飲得我非常滿足, 更何況還有4隻雞翼+2大塊蘿蔔, 絶對抵到爛!!
 
必食No2: 冰花手工餃子連熱飲 ($28) @ 「顯徑揚揚」
 
 
即叫即包即煎的鴛鴦餃子, 韭菜配椰菜以日式煎法而成.
 
 
有 8隻餃子有粉雪花狀態相連, 香脆多菜少肉, 皮又不會太厚.
 
 
SY:「$28蚊加$3仲可以有凍飲, 真係好抵. (熱飲免費添), 咁咪仲好食, 同抵過我成日食嗰間八方雲集囉」
 
 
必食No3: 櫻花蝦芝士玉子燒 ($26) @ 「口福堂」
這份雙層玉子燒, 即使第一層的蛋皮一點也不老, 內層更又熱又軟又香又淋, 上面有沙律醬、茄汁, 及木魚花, 功架十足!
 
 
師傅說:「我哋睇準半生熟就做第二層, 所以一定唔會老」
 
額外加$10, 更加可以變成拉芝玉子燒, 配上大量櫻花蝦, 又多一重口感, 相當不錯. 阿太:「係呀! 加咗芝士, 好食好多…加十蚊都算抵」
 
必食No4: 嫩滑手撕雞腸粉 ($28) @ 「3兄弟」
沒有想過腸粉竟然可以配手撕雞?? 而且, 味道還要非常夾.
 
 
阿太:「真係喎… 我都未試過, 一啖嫩雞肉, 一啖腸粉, 感覺真係幾得意」
 
其實, 我反而覺得不只得意, 簡直過癮又飽肚, 我:「下次我去買10腸粉都試吓加D手撕雞一齊食先得」
 

(鳴謝:依莉詩)

 
必食No5: 雪糕@「ICE CREAM BROTHERS」
進食當日, SY還可以用學生價以$5 一口氣點兩球雪糕. (但可惜優惠只舉行至9月30日)
 
 
SY:「唔知十月有冇新特價呢? 會唔會$5蚊有三球呢? (你就想)」
 
(鳴謝:依莉詩)
 
今次我們點的海鹽Tiffany blue 配 窩夫 ~藍之戀人 ($38), 顏色配搭絶對呃Like首選, 而且還是店舖限定, 不是日日有得食.
 
 
我:「不過, 我唔係好食到鹹味, 但佢整個窩夫又算好食喎, 點D雪糕嚟食又幾正…」
 
 

SY:「爸爸! $5兩球咁抵, 我可唔可以食多$5 ? 」, 我:「你啱啱又免費試食, 又KO咗3球…仲食呀? 」

 

大食皇

地址:荃灣大河道18號地皇廣場1/F
時間:12:00 – 22:00

大仁生活facebook

 

Comments (0)

Leave a reply