老婆學堂101 – 「老公嚟幫手!你好叻呀!」

老婆學堂101 – 「老公嚟幫手!你好叻呀!」
27 April, 2018 MOoMOo麻媽
Avatar
In Articles, Blog, MOoMOo麻媽

有人話女性天生獨有母性。有日自己成為新手媽咪,對初生女兒的大小事依然毫無經驗,有母性一樣手忙腳亂。

挺着肚皮時曾對40週後有無數幻想,原來到真正實戰又是另一回事。坐月中的我已因身體康復而非常疲累,是最需要休養的時候。此時我學懂的是開口說「老公嚟幫手!你好叻呀!」。

誰是新手媽咪的最強幫手?

果3年前你問我,可能我會答陪月、自己媽媽或奶奶。但此刻可以肯定地說,是當年雞手鴨腳,坊間人稱「豬隊友」的老公!

聽過好多媽咪將老公批評為 – 阻手阻腳、冷眼旁觀、BB佢無份。。。但除了學湊B,我們也要學識用這對「豬」手!識用不單能令你能喘口氣,互相扶持的時光好比無言的感激和愛,是支持你們仨面對新生活的樁柱。

嘗試代入「豬隊友」角度看初生階段

有研究提出,女性懷孕與生產時會改變大腦的內分泌,令媽咪變敏感細心,孕期時亦親身感受那生命力。新手爸爸呢?是出世後才真正第一次接觸。

假如新手爸媽育成過程是場龜兔賽跑,那新手爸爸就是隻一起步就慢了40週的龜先生,所以請體諒爸爸對初生孩子的無感

對着令人頭暈的初生嬰兒日程,卻望見你如此老練,自己出手還冒住被人話「叫你做少少事都越幫越忙」。做個旁觀者呢?結果你又暗中不爽「自己攰到死,老公就坐埋一邊!」。當你每日百感交雜時,你身邊的那位都不易過,別讓他陷入兩面不是人的境地

放手給爸爸重要的位置

女兒未出世時,我跟老公已分工。我管「入」 – 餵哺母乳,他管「出」 – 換尿片,笑說着是衛生決定。最初一齊雞手鴨腳,轉眼6個月老公已變成「尿片專家」,動作快而準,對各品牌好壞一清二楚,麻媽都靠他通知誰家藥房做特價!

後來尿片越用越少,就同老公傾轉型為「沖涼大使」。廁所時而傳來求助慘叫,時而細聲講大聲笑,偶然麻媽做替工,女兒會表演沖涼時爸爸教她的雜技。

每一個階段,我倆各有其位。那管只是小小的一步,都是爸爸跟孩子建立感情的Me Time。關係與經驗的累積,令新手爸爸更快確認自己「爸爸」這身份

讓爸爸跟隨自己的節奏

有段時間,女兒會半夜驚醒,我跟老公會輪流哄睡。每次在他懷抱的女兒總是一直哭,一轉到我手裏,幾分鐘又尋夢去。有一晚,老公吐了一句:「佢唔鍾意我!就算跟你方法去抱,佢都唔鍾意!總之就係唔鍾意我!」沮喪到一個點像患上產後抑鬱症。當時我回到:「你唔需要學我,應該揾一個自己同女女覺得舒服嘅方法。」爸爸漸漸地真找出自己的方法,有時女兒在他心口睡得更快!

適當時候要放下「緊張大師」的心,別總要求他人跟自己一套或搶住做。給老公時間找出自己跟孩子相處的節奏,孩子總會適應,家庭關係就更長久。

我們開始時都是「豬手」,所以請給老公多點「心」- 耐心、信心、放心。「老公天生能主動湊孩子就好啦!」是幻覺來的。新手爸爸跟孩子一樣需要育養,過程中難免同樣有無奈和激心,但相信他們各自終有一天會成長。

龜兔賽跑的最後,龜還是可以勝過兔!

***************************************************

來麻媽Facebook收看更多分享

Comments (0)

Leave a reply

Sign Up