【阿囡小一上學記】(二十二) 中文默書之那來的自信

【阿囡小一上學記】(二十二) 中文默書之那來的自信
19 May, 2019 好校爸
好校爸
In Articles, Blog, 好校爸

Mother and daughter doing homework together Free Photo

開學初既時侯同阿囡溫默書都幾勞氣,因為阿囡化功大法既功力不容小覷。唔經唔覺已經去到第四學段,又已經係唔知第幾次中文默書。

臨默書之前既weekend一朝早諗住叫阿囡開始溫,點知阿囡忽然信心爆棚話已經識,死都要我同佢即刻默。

心諗估唔到阿囡年紀細細,居然能夠有呢種「必死」既決心,咁為父唯有成全你啦。

當然,默完既結果死傷慘重 – 默8個字錯一半。

有樣野我覺得阿囡進步左:佢無論如何點都會寫啲野俾我,唔會交白卷投降。好似呢次中默咁,佢就用以下既字代替左佢唔識果啲字:

正字 阿囡寫既別字

睇住啲別字感慨萬千,除左覺得佢「永不放棄」果下好野之外,另外又覺得佢錯既答案其實都幾有意思,背後有一番佢既thought process。

例如個「沒」字寫左做「未」字,個音同意覺得都有啲相近。

至於「巴、把」寫成「包、抱」,見到佢大約知道兩個字有關聯,所以係錯得好有系統,好有邏輯。

推展到睇佢做功課其實都係一樣;佢錯既位除左大意之外,好多時都流露到少少佢獨有既想法。所以睇佢點做錯,其實有時都幾好睇。

我:「你其實默之前都有啲唔sure,咁點解我叫你睇左先你唔肯呢?」

囡:「諗住識,同埋我都無放棄有寫野上去嘛。」

我:「你應該準備好你自己先去做一件事,唔係求其撞。」

囡:「宜家識架啦,再即刻默啦。」

我:「咪住。我同你默兩次架咋。你今次再默錯之後靠你溫返啦,我唔會陪你一直默到全對架。」

囡:「下……」

阿囡又有另一樣好,係佢其實到最後自己都會緊張自己唔識。細個果時叫佢做功課唔肯做,以退為進叫佢唔好做就咁返學,佢又反而喊晒口求你俾佢做返。

果然語畢,阿囡集中精神再返睇啲字。

第二次再默,全對。心裏面歡呼左一下,覺得自己既策略湊效:又可以威俾老婆睇。

隔左兩個星期又中默,今次仲要默成十三隻字。不過今次輪到我同老婆信心爆棚,諗住我地已經搵到條溫書既formula。

點知試默完….

我:「你… 係咪有溫架… 」

囡:「有呀。我寫親都寫啱晒呀。」

我:「係… 但係默十三隻字,你寫左六隻咋… 」

好想同佢講:宜家係默書唔係打籃球,唔係計命中率呀…


更多好校爸內容:

Comments (0)

Leave a reply