【暑期活動】時光倒流三十年・懷舊職業初體驗

【暑期活動】時光倒流三十年・懷舊職業初體驗
30 June, 2019 幸福人妻手記

職業體驗,小朋友真的玩極唔厭!次次去親family trip都必定同兩個小朋友去玩職業體驗,今個暑期唔使飛到外地,又或者入到東涌咁遠,在市區一樣可以讓小朋友試下打工捱世界!

今年錢家有道 X ohmykids 又推出「時光倒流打工仔」活動,讓4至10歲小朋友可以體驗下打工仔生涯。上年兩個仔玩到唔捨得走,今年這個活動一出,就幫他們報名率先試玩,等我帶大家睇下有咩好玩啦!

四大懷舊職業

同上年一樣,「時光倒流打工仔」主打懷舊職業,分為四大活動區,包括涼茶舖、鐘錶行、大排檔和雜貨店,全部都充滿懷舊式的裝潢,神還原三十年前的老香港。

活動前準備

這個活動費用全免,亦都不需要用商場消費來換領,只需要事先網上報名便可(報名方法見文末)。

另外,為了配合主題,讓小朋友玩得更投入,大會會提供簡單懷舊工作服俾小朋友,所以為了容易襯衫,大家最好著定白色底衫、深色長褲同白布鞋,看看波兒幾入型入格!

  

邊玩邊學 理財之道

我覺得成個活動,除了可以讓小朋友體驗到打工的樂趣外,還可以學習到香港歷史、傳統文化、理財知識等。

例如在涼茶舖學到收支概念;鐘錶行學會貨比三家;雜貨店學懂分需要及想要,絕對不是齋玩咁簡單!

當然,關於四大職業的主要工作一定唔少得!小朋友要落手落腳去清潔、執拾、修理、搬運等等,對於時下港孩來說真係難得的體驗。

  

 

在場工作人員除了會化身成老闆去協助小朋友完成任務外,仲會向他們講解一些有關職業的背景、歷史、術語,例如大家熟識的「靚仔」、「肥妹」、「花碼字」等。

活動裡面,波兒仲見識到好多懷舊玩具同零食,大開眼界。

每個小朋友手上都會有呢張任務卡,每做完一個任務就可以得到一個印仔,完成所有任務之後,就可以憑卡換領紀念品同証書呢!

同場加映!除了四大職業體驗,同場仲會定時舉辦不同活動,例如親子粉彩班、財藝大賽、榕樹頭講故⋯⋯全部無須預先報名,可以即場參加!現場仲有好多懷舊佈景打卡位,任影唔嬲,好彩的話仲可以同錢家有道一眾主角合照,真係可以涼住冷氣玩足半日架~~

[ 錢家有道 x ohmykids ]  時光倒流打工仔2019

日期|6月29日至7月9日 

時間|11:00-19:00 

地點|鑽石山荷里活廣場一樓明星廣場

對象 | 4 至 10 歲小朋友

報名詳情| https://bit.ly/2RzoDnO

*活動只限網上登記

第二輪網上報名將於7月2日開始喇,留意住錢家有道 Facebook 喇!

 

#thechinfamily #ohmykids #時光倒流打工仔 #錢家有道 #玩學理財

 

Comments (0)

Leave a reply