【唔洗爭之選!!】超平巨蜂+$10鮑魚+$5雪糕+必中抽獎 @ 美食博覽2019

【唔洗爭之選!!】超平巨蜂+$10鮑魚+$5雪糕+必中抽獎 @ 美食博覽2019
17 August, 2019 大仁生活
Avatar
In Articles, Blog, 大仁生活

一連5日美食博覽2019, 當然要第一日就同SY去逛逛…老友子子媽:「車! 你米又係只係為咗出前一丁D禮物去…」

老友即是老友…說話內容跟SY一模一樣:「爸爸! 你今年又諗住買幾多個出前一丁福袋呀?」

每日12:00前, 或者18:00後入場, 門票只是$10, SY:「爸爸! 我哋點解唔遲D入場呢? E家都17:15囉」(啱啱買咗票先發現, 最心痛是愛得太遲…無計)

今次同樣有兩款福袋, $90的送水壺, 另一款$120福袋送手推車, SY:「其實個水壺都有D用, 但係E個車仔有咩用呢?」, 我:「EER~ER~轆住去行街囉~」(去旅行好有用吖, 雖然我哋好少去旅行)

SY在出前一丁店周圍找….他失望的說:「點解今年無得扭蛋架…好傷心呀!」(又真係嘅, 上年有得扭清妹杯緣子, 開心好多)

 

之後我們向前行, 忽然又重現去年一模一樣的「日本峰一」檔位….香噴噴的高湯烏冬($20) 但去年的日本店員不見了, 換來姐姐即煮烏冬.

大約3分鐘後超香的烏冬就由姐姐端出來….我問:「上年日本人煮好食, 定係今年好食呢?」
SY:「米又係咁煮, 味道都係一樣係烏冬, 總之好食就得啦」

吃完烏冬我再來一塊富良野蜜瓜, 我問店員:「邊款好食D呀?」; 店員:「紅肉蜜味濃好多, 青色就清甜, 不過我唔食生果, 所以無比較」 (吓? 你唔食生果㗎? 會無大便㗎喎)

 

富良野生果真的清甜又腍, 我對SY說:「你同頭先個哥哥一樣, 唔識食好嘢啦, 嘥晒」

轉兩步又聞到香香的即煎日本餃子($20/6隻)….因為有不少人輪候龍, 煎餃大約也要約3-5分鐘, 所以這條隊是等得最久的人龍.

我:「好彩原味無韭菜…不過日本餃子無冰花, 唔知係米煎得唔夠時間, D肉好似麻麻地咁」

 

同樣也是峰一, 攤檔的另一邊, SY似發現新大陸似的說:「$5咋..4款雪糕, 4款雪條, 我想食綠茶味呀!」

SY一邊開心吃一邊笑著說:「雀巢都要$12兩杯啦, E度竟然有$5一杯, 仲要係綠茶, 味道都OK, 但$5超值啦」

峰一 1C-A02

行行走走….見到有一條長長人龍, 原來是吃$10鮑魚…

姐姐話:「$40 已經包一隻鮑魚+海參+花膠+冬菇, 當然你可以額外或者淨係$10買一隻鮑魚」
SY:「原來D海參要$1600咁貴㗎?」(我哋食$40又點會畀$1600我哋食吖)

 

鮑魚夠腍, , 煙煙韌韌又夠入味, SY:「個海參原來咁滑嘟嘟㗎喎….」

我:「但係點解我個花膠入面有條骨嘅??」 內臟就沒有想過有骨, SY:「係咪你尋日食魚D骨呀?」(咁就真係唔知啦~)

合泰海產 Hoptai
攤位:1D A28(15-19/8)

我們又發現去年相同攤位又是我的最愛巨蜂提子,  我:「買囉! 買囉, 同上年一樣喎,  一盒$40, 兩盒$70, 真心抵吃」

SY試食了一粒巨蜂說:「即係一年都無加到價? 真係咁甜㗎喎, 不過點解有核嘅?」(香印就無核, 其實生果應該係有核先啱數啦)

味珍味 1B-D16

其實, 我最想買這款長城牌電車, 不過阿姐話:「聽日你十點零鐘嚟排隊啦, 今日50部賣晒啦…」 (我有D唔捨得走…電車我哋無緣啦~嗚嗚嗚)

長城牌罐頭 1A-C02

這款索柏水樽之前賣$28一支, 今時今日跌價至$10 , 沒有不掃的理由吧!

納豆是我近食伴飯最愛…我竟然發現有$20兩Packs, (即6盒), 我說:「一田都要$15一Pack喎, 抵呀抵呀!」

我鍾意食齋燒鵝, 焗魷魚, 花生, 炸魚皮, 魚柳, 所以一早已經Mark實要來華園買福袋, $100有齊十款…阿姐話:「十款唔同口味, 好抵㗎」(真心抵, $10包~正)

華園 (攤位1C-C30)

最後有人要扭蛋, SY:「爸爸! $20咋, 姐姐話係永不落空㗎… 」; 我:「咁你想扭到咩呀? (金色波) 即係大獎? 」(幾難啦)

結果, 竟然給這位小朋友扭了一盒大曲奇, $20一盒曲奇, SY捧著戰利品說:「$20就中三獎, Yeah~ 今晚我哋一齊食曲奇啦」

美食博覽2019(香港美食節)
日期 : 8月15日- 8月19日
門票 :12nn前 (8月15、16及19日入場) $10 ;
6pm後 (8月15-18日入場) $10
正場票價: $25
時間 : 10:00 – 22:00 (8月19日 10:00 – 18:00)

大仁生活facebook

Comments (0)

Leave a reply