【日本今期流行】便利店食布甸 超市換Bruno飯盒 One Piece和果子 三眼仔杯麵

【日本今期流行】便利店食布甸 超市換Bruno飯盒 One Piece和果子 三眼仔杯麵
30 August, 2019 大仁生活
Avatar
In Articles, Blog, 大仁生活

趁暑假完結前, 來一次日本放空之旅, SY:「我真係全個暑假最期待, 但係又最唔捨得嘅一個禮拜, 因為日本玩完返香港又要返學~嗚~嗚~嗚」

今次, 我們住在品川Seaside, 一區與池袋19分鐘火車的臨海地區, 一邊很有小區風味, 另一邊又充滿重建新區的新地標建築…(講真, 其實都有點違和)

因為4層高的Aeon Style商場+超市正正就在此, 而且還要每晚營業至凌晨12:00, 絶對合適我們每晚回酒店房前作最後衝刺!

我:「其實, 真係似去咗太古康怡…哈哈」; SY:「都唔同, E度人人都講日文, 全部又日文字」; 阿太:「咁又係喎, E區真係一個大陸人都無, 幾好喎」

每次來日本, 最常做, 最最最一定要做的就要走遍每間便利店, 超級市場, 今次也不例外, 當我還未趕及走入超市內, 阿太已大叫:「嘩! Bruno飯盒呀! 我想買好耐㗎啦~」

原來, 只要買4支可樂公司的飲品, 就可以免費送一款…

阿太:「我個顏色都儲一個, 仲要幫Kathy換一個橙色, 我哋買20支茶, 7日每人一支就唔洗再買水飲囉…Total都係1600Yen, 真係抵喎」(超市84Yen一支茶, 超值)

另一邊SY叫我:「爸爸! 你睇…有胡迪同三眼仔杯麵呀! (127Yen)」

胡迪是BBQ 雞味, 三眼仔則是Pizza味

 

我:「你睇下幾得意…三眼仔得返咁少, 胡迪剩咁多…唔知入面會唔會D餸都係三眼, 同胡迪呢?」

其實我們住在品川Seaside 及 青物橫丁京急線站中間, 撞巧OnePiece 20周年, 正正聯乘京急線有7個特別限定站, 而青物橫丁站就是其中之一.

因為步行只是10分鐘, 沒有理由不去看看限定改名為「青物橫索柏站」的最新情況吧!

站內有限定店, 有不同One Piece 駅精品, 磁石/ 間尺 各500Yen.

地毯 / 環保袋 2000Yen

各款手巾 600Yen

索柏就在站內, SY:「爸爸, 你買唔買張飛入唔影相呀?」; 我:「唔買啦~ 因為我哋E個細站, 要坐40個站去橫須賀先有7-8間餐廳食到限定餐同甜品…算吧! 影張相就算啦」

阿太:「我哋去Lawson啦…網友推介食一款布甸 278Yen…話有梳乎厘係上面, 必食㗎」

而沿路便有不同的便利店, Lawson就在前面…

SY:「E度D便利店真係好得意, 可以畀人坐, 仲可以有得叉電㗎喎….」

我:「你杯梳乎厘布甸 …個梳乎厘好似有D硬咁嘅?」

阿太:「其實…係芝士蛋糕喎, 唔似梳乎厘, 雖然有少少唔係咁軟腍腍, 但係同布甸一齊好特別, 又好夾…$22你想點呀! 我買多個今晚沖完涼睇電視食就真」

 

轉頭我們又在7-Eleven 發現了可愛的索柏和果子 (271Yen)….

 

不過, 和果子還是適合儲, 適合觀看, 適合欣賞…但吃則有所保留, 因為實在太甜, 而且還有紅豆蓉作餡呢! (汗)

 

7-Eleven 有索柏和果子, Lawson則有史樂比和果子對決… SY:「爸爸! E度仲有CHARLIE BROWN添喎, (各280Yen) 不過, 我哋都係影相算啦, 好甜呀!! 」(係囉)

 

 

 

相鉄グランドフレッサ 品川シーサイド
〒140-0002

東京都品川区東品川4-12-8イオンスタイル

〒140-0002
東京都品川区東品川4-12-5大仁生活facebook

Comments (0)

Leave a reply