【食壽司抽扭蛋】等2個鐘 ~ 全部100円‧食5碟抽一次 ~ 今次30碟抽中…. @ くら寿司

【食壽司抽扭蛋】等2個鐘 ~ 全部100円‧食5碟抽一次 ~ 今次30碟抽中…. @ くら寿司
10 September, 2019 大仁生活
Avatar
In Articles, Blog, 大仁生活

因為去年老友祖迪介紹了「くら寿司」給我們, 既可以吃壽司, 又可以食滿5碟, 便可以有一次扭蛋機會….

雖然….壽司質素真的”挑戰人類極限”, 但勝在均一價100円一碟, 甜品又算好味…所以, SY今年去日本, 強烈要求要約同子子Encore 「くら寿司」

去年我們在大阪大國町分店等了60分鐘….今次, 約了子子在池袋Sunshine City店, 所以提早少少去拿籌. 我們到達池袋為18:25.

註: 「くら寿司」全日有約400間分店, 台灣也有分店

為何放工時間的池袋車站外圍了近百人在看手機呢? 走近看一看, 原來大家正在忙於補足Pokemon Go 的新神獸「由克希」, 我們當然也不放過機會, 捉回一隻日本籍的神獸吧!

成功捉了「由克希」後, 我們便步行至Sunshine City…阿太向客戶服務員查詢, 對方竟然答, 商場內沒有「くら寿司」.

我們帶着疑問及奇怪的心情走回大街之際, 阿太大叫:「車!!くら寿司米係對面6樓囉…我都話係Sunshine City…不過係Sunshine City對面之麻」(OK! OK! 你啱你啱)

18:50取得壽號, 預計入座時間為21:10…2小時的等待時間…好彩是池袋, 左逛右逛, 夾公仔, 藥妝店, TokyoHands…2小時很容易便過…有壽司食啦!!

 

 

 

甫一坐下, SY已經與子子商討扭蛋大計, SY:「我哋叫晒所有嘢食先, 全部食晒, 之後先一次過扭蛋…」; 子子大叫:「好!!」

因為實在太肚餓….我們瘋狂點選, 結果, 差點又舖滿了整張桌子.

壽司質素切合預期…因為大部份壽司也是均一價100円, 所以…綜合兩次經驗, 請排除100円壽司, 點選200円的可能會「易入口」一點

連三文魚如此簡單的選擇, 這裡也可以有「擦紙膠」質素的供應…

納豆壽司香港不會吃得到, 100円的質素, 竟然連一田買得到$20三盒的質素也不如…

還有…我最愛的海膽, 為何似果醬, 而且一點海膽味道也沒有, 還是被稀釋了….慘慘!

200円的中吞拿比較叫作可以入口, 但與早前佐敦的壽司郎比較, 壽司郎的大吞拿也只售$12.

子子媽:「佢D魚係入口即溶, 但好似都唔知食咗D乜入口咁」; 小朋友:「鰻魚OK」; 子子:「腐皮壽司都OK」

180円茶碗蒸很足料, 有柚子絲+蟹柳+冬菇絲+疑似帆立貝, 可惜味道偏鹹, 子子:「我都係覺得好鹹, 同有D生果味」(可能大家都不慣有柚子味的蛋吧)

 

我點了一碗醬油拉麵390円, 價錢較車站立食的齋烏冬還要便宜, 可惜味道偏鹹又油, 我昨晚在便利店買的198円杯麵感覺還更吸引.

全晚亮點一定是200円的蜜瓜, 夠熟又甜又夠汁…推介推介; SY:「爸爸, 早知你點多幾碟蜜瓜啦, 茶碗蒸, 拉麵都唔計碟嘅, 無得扭蛋, 你個蜜瓜可以計兩碟㗎」

 

沒有錯, 小朋友來吃「くら寿司」唯一原因都是為最後的抽獎遊戲…去年我們吃了15碟, 抽了三次中了兩次…今年我們吃了30碟, 可以抽6次…兩位小朋友也很緊張.

可惜, 今次我們沒有去年的幸運….第一次「打欖球」落空; 第二次「捉幽靈」同樣失敗.

第三次「變魔術」又不成功; 以為第四次再度「 打欖球」會有機會…結果又失望而回..

好彩第五次「變魔術」終於成功…SY及子子大叫:「Yeah! 終於得咗啦」

今期是One Piece 扭蛋, 我們扭到了Frankie 迷你碟仔. (第六次也是失敗了)

小朋友有點不高興, 阿太:「唔緊要啦, 玩吓啫…下次有機會再嚟過囉, 不過唔好預我」

子子媽:「都唔係嘅…我哋叫5碟蜜瓜囉, 食完就走米得囉」

最後我們在門口的扭蛋, 多扭了兩隻「くら寿司」小陀螺, 便離開…

老實說, 「くら寿司」的低廉價錢+扭蛋策略實在太吸引, 所以, 即使主角壽司的質素如何, 也可以吸引每晚食客源源不絕…心底話:「好嘢!! 真係好嘢!! 我諗我未必會再食第三次」

 

 

住所 東京都豊島区東池袋1-29-1 サントロペ池袋ビル6F 営業時間 平日11:00~24:00  土日祝10:20~24:0024時まで営業!
※土日祝は 10:20 から営業中!

大仁生活facebook

Comments (0)

Leave a reply