入中學教班講得最多係:讀書唔一定最重要 (3) | 社工爸媽自家教手記

入中學教班講得最多係:讀書唔一定最重要 (3) | 社工爸媽自家教手記
27 September, 2019 社工爸媽自家教手記

社工媽媽到一間中學開始4個新的專注力訓練小組,
由中一至中四都有,每一組的同學的個性都非常不一樣,
不過一開始我總會問他們一個問題:
「點解你哋會喺度嘅?」
不同的學生,但答案都幾一致:「我哋專注力有問題。」
社工媽媽通常第二句就會問:
「點解你哋話自己係專注力有問題嘅?」
學生通常會答:
「我做過評估、專家話我係、老師話我可能係……」

有3組的學生坐得好定,
亦在對話過程中眼睛有望住社工媽媽,

於是我便回答:「但我而家見你哋好專心喎。如果有一日返學係你想學咩想做咩都得,只要不傷害別人、不傷害自己、環境上容許,你哋覺得自己會唔會專心好多呀?」
所有學生都點頭。

有個中一的男學生說:「那是烏托邦。」
社工媽媽說:「雖然暫時未去到烏托邦,但最少你知道自己對有興趣的事係可以專心到。」

有一個中一男學生,他一直都「周身郁」,
一直坐唔定,身體不能靜止超過5秒,
他的外表又黑又健壯,
社工媽媽問他是否很喜歡運動,
他說他是幾種球類的校隊代表,
他身邊的同班同學說指著他說:
「佢有過度活躍呀,哈哈……」

社工媽媽說:「佢只係鍾意運動而唔鍾意留在課室,可能佢係天生嘅運動員,運動員鍾意留喺球場而唔係留喺課室。」
男學生不停點頭。

社工媽媽給他們看幅圖片說:
「如果爬樹比賽,當中只有猴子會做得到。」
他們一看就明我想講甚麼,
開始明白只是每個人的天賦不一樣。
*對話期間那男學生一直「郁來郁去」,
但社工媽媽沒有干預他,
也沒特別叫他坐好。

然後說:「你哋嚟到呢度可以做返自己,如果你喺小組過程想行下,想跳下,OK架,同我講聲,我會等你哋嘅。你哋而家需唔需要跳下?」

學生回應:「要呀﹗」

於是男同學與朋友一同起身狂跳5分鐘,
我問:「跳夠未?未夠可以再跳。」
學生:「夠喇。」

之後我們繼續坐低進行小組,
男學生一直到小組完結前都坐得定,無再「郁來郁去」。

尊重學生的天賦和特性,
也讓他們明白自己的獨特和價值,
是多麼重要的教育工作。

有理論說學習風格分4種:
1. 視覺類型 (Visual)
2. 聽覺類型 (Aural)
3. 讀/寫類型 (Reading)
4. 肢體運作類型 (Kinesthetic)

通常被學校安排來參加小組的學生在做問卷之後,
他們大部分都是「肢體運作類型」,
他們需要透過「經驗、實踐、例子、模擬」來學習,
這些學生需要動手做、活動教學,
當他們常處於一天8堂都主要是坐著聽的時候,
他們的身體自然會想動起來,
又或者無心機上課,
就如同幅圖畫一樣:

一隻猴子被要求游水、
一條魚被要求在陸地行走、
一隻大笨象被要求爬樹、
一隻小鳥被要求跑步……

合理嗎?

 

此文章經社工爸媽自家教手記授權刊登,感激!

Comments (0)

Leave a reply