「時光倒流打工仔 2019 」報名方法及6大攻略

【錢家有道 X ohmykids】時光倒流打工仔 2019
日期 | 6月29日 – 7月9日
時間 | 上午 11 時至下午 7 時
地點 | 鑽石山荷里活廣場一樓明星廣場
適合年齡 | 4－10歲
*每節遊戲時間約20分鐘

職業體驗網上報名詳情

參加方法

1) 登入「錢家有道」 Facebook 專頁，在置頂的「時光倒流打工仔2019」帖內按連結開啟Facebook Messenger，你會在訊息內收到「錢家有道」傳送之報名連結。(***留意該post會於7月2日1pm在「錢家有道」fb正式發佈，在其他地方留言並不能報名。)
2) 進入報名連結，填寫報名表格，包括個人資料，揀選參加日期、時段及職業體驗組合 。
組合A：雜貨鋪 + 涼茶鋪
組合B：鐘錶行 + 大排檔
3) 成功報名後，頁面上會出現確認通知並於Facebook Messenger收到確認訊息。
4) 報名人須於活動開始前 30 分鐘到現場登記處，開啟Facebook Messenger所收到確認通知，工作人員將核實，並發出遊戲證。
5) 活動開始前 5 分鐘帶同遊戲證到指定攤位外排隊，逾時不候，遲到者將不能進入體驗區。
6) 如對活動或報名事宜上有任何問題，可到錢家有道Facebook messager查詢。

打工仔注意事項

1) 所有職業體驗須預先網上報名，不設現場報名，並以廣東話進行。
2) 活動名額有限，為了能讓更多的小朋友參與，每個Facebook帳戶只能登記一次，並選擇 1 個時段及最多為兩個小朋友登記，登記一經確認將不能更改及取消。
3) 每個小朋友每次最多登記一個職業體驗組合 (組合A或B; 每個組合可參與兩項指定職業體驗)，兩個職業體驗的次序將由大會安排。
4) 請確保你的Facebook Messenger為最新版本，如用網頁版Facebook登入報名，請選用最新版本的Chrome或Firefox（不支援Messenger Lite及某些版本的Internet Explorer）。
5) 為確保最佳體驗，參加小朋友年齡須為4至10歲。
6) 如報名人未能於活動當天親身到場登記，必須將確認通知上的確認信交予另一成年照顧者，並於活動當天將確認信 (列印或電子版本) 交予工作人員核實以領取遊戲證。
7) 同行家長或年滿18歲的監護人必須自行照顧小朋友。
8) 如活動因惡劣天氣（包括懸掛八號風球或以上風球及黑色暴雨警告信號）或其他突發事故而取消，受影響的已預約登記將被取消而不作另行通知，大會並不會另行安排體驗日期。
9) 如對活動或報名事宜上有任何問題，可到錢家有道Facebook messager查詢。

去年「時光倒流打工仔」得到大小朋友熱烈支持，今個暑假 錢家有道 X ohmykids 加入新元素推出2019加強版，小朋友化身舊式老店打工仔挑戰不同好玩任務，感受老香港情懷！想知點先玩得最開心，相影得最靚，細路笑住學理財玩到唔捨得走，以下方法一定幫到你~ 立即出發！！

1) 傳統智慧 玩學理財

相信爸媽見到呢個活動除咗覺得好玩想帶細路嚟之外，其中一個叮叮聲嘅字係『學理財』，仲要係智慧個隻。今次除咗要完成「事頭」指派嘅任務，更加喺遊戲中滲透香港歷史同傳統文化，例如大排檔術語、涼茶鋪立飲、鐘錶行冷知識及花碼字等，玩住了解香港昔日點滴。今年亦新加入榕樹頭講故、「當年知多少」有獎問答環節及理財願望池，就算爺爺嫲嫲都一樣啱玩。

場內特設四間懷舊老店，除咗有大排檔同雜貨店，今年新加入鐘錶行同涼茶舖～

真。懷舊佈置由專保存香港舊物的收藏家「賣仔勿摸頭」提供，好多都係罕有珍品。

2) 真。免費任玩

為咗令更多小朋友可以玩住學理財，今次活動係真。費用全免，連商場消費都唔駛，網上預先登記就玩得，正！！

3) 襯定衫影靚相

體驗其中一個重要嘅元素，就係小朋友化身「打工仔」配上懷舊服飾，再影啲靚相留念。由於唔係每款都遮晒全身，所以你原本著嚟套衫就會多多少少成為咗一部份。做戲做全套，只要做好準備，零難度打造完美造型。

最佳打底服飾：白色Tee或背心／深色長褲／白襪+白波鞋、白飯魚或人字拖。

總之著定白色底衫就最穩陣～

4) 小心保管工作證

因為每玩完一個遊戲就可以吸一個印仔，玩夠兩個遊戲就可以出糧換精美紀念品及證書！！

5) 唔好勁叫d細路

呢個係超級極度無敵重要，就係當細路打緊工時，媽咪daddy婆婆爺爺姨媽姑姐不如唔好勁同佢say hi，要小朋友認真，首先我哋都要認真，唔好比佢覺得淨係嚟玩嚟影相咁簡單，你打緊工，阿媽係咁同你講嘢你覺得點？影相係可以嘅，但以唔好影響佢哋打工為大前提。

每個體驗都有安排影相時間俾大家，唔使擔心影唔到靚相～

見到小朋友咁專注打工，我都唔好意思打擾佢～

6）家中延續理財實戰

其實呢次體驗只係細路學理財嘅第一步，最緊要都係爸媽返到屋企同佢一齊實行，想知日常究竟點先做到，去場內錢家屋企，同小朋友一齊搵吓理財法寶，再攞埋一系列實用好玩嘅理財工作紙，最啱返屋企慢慢跟進玩完學咗嘅嘢～

遊戲形式學理財，唔再悶蛋了～

【錢家有道 X ohmykids】時光倒流打工仔 2019
日期丨 6月29日 – 7月9日
時間丨上午 11 時至下午 7 時
地點丨鑽石山荷里活廣場一樓明星廣場
適合年齡 | 4－10歲
*每節遊戲時間約20分鐘

#thechinfamily #ohmykids #時光倒流打工仔 #錢家有道 #玩學理財