阿媽唔想細路長大嘅另類原因

小時候總希望快點長大成人，到長大了，卻又不願意長大得這麼快。

當年: 好嘢! 媽咪話可以俾我玩通宵
現在: 好嘢! 今晚又趕死線冇得瞓!

當年: 中學都未畢業,有咗實俾人鬧死
現在: 16就有咗,呢啲係早熟,你哋識咩吖!

當年: 媽咪! 我出去同呀強踢波呀!
現在: 媽咪! 你唔好阻住mon啦,我踢緊波架!

當年: 太好喇,終於可以嚟食麥當奴!
現在: 唉! 又嚟食老麥頹餐!

當年: 喂! 明明可以打電話,你做咩生俾錢send短訊呀?
現在: 喂! 明明可以whatsapp人,你唔係打電話咁麻煩呀嘛?

當年: 跑咗10k好攰呀
現在: 著件運動衫,攞條毛巾,最緊要就係自拍返張流汗相,跟住拿拿聲返屋企就係我最大嘅運動量.

當年: 喂! 我個沙堡壘呀,你做咩踩佢呀!
現在: 喂! 我兩條香腸呢?我要嚟話俾人知我喺沙灘架!

當年: 我今年有十份生日禮物呀!
現在: 我今年有76個facebook生日messages呀!

當年: 我份報紙呢?我個結他呢?我個耳筒呢?
現在: 我個電腦呢?我個電話呢?我個尿袋呢?

當年: 厚電視機先係最型!
現在: 我新買嗰部電視50吋冇邊架,仲可以掛喺幅牆道!

當年: 醫生! 打針可唔可以打pat pat?
現在: 醫生! 我未買保險,身體檢查可唔可以收平啲?

當年: 終於過晒關! 打爆機!
現在: 俾錢過關咪得囉,嗱嗱嗱又過咗廿幾關喇!

當年: 媽咪話:「分享係美德。」
現在: 媽咪話:「千祈唔好share野,我驚你俾人拉去坐監!」