【工欲善其事】6 件 kid-friendly 文具推介

【工欲善其事】6 件 kid-friendly 文具推介
18 April, 2018 ohmykids
In Articles, TrustMyKids

ohmykids 全公司加埋過百年寫字經驗,認真推介 kid-friendly 文具,解決日常 5 大煩惱,給細路一個愛上寫字的理由~

煩惱1)「佢好恨用鉛芯筆,但寫字太大力經常整斷鉛芯,根本用唔到。」

Penco Prime Timber-品牌皇牌,又稱「大人的鉛筆」,亦係細路恩物。平日細路少用鉛芯筆,寫字大力就斷,呢支粗筆芯完美解決呢個問題,仲攞埋日本 ISOT 文具大賞。

【揀筆小貼士】唔少細路寫字大力,經常印過紙又難擦乾淨,甚至會擦爛紙,可用淺色 2H。對於平日寫字輕力嘅細路,相對深色嘅 2B、4B 或以上鉛筆較合適。

煩惱2)「阿囡寫錯字通常都係錯細位,普通擦膠一嘢就擦走成個字,望住佢下下從頭寫過好慘!」

Tombow MONO Zero 角型擦膠筆-就算細路寫錯少少嘢,用呢粒 2.5 x 5mm 角型擦膠嘅角位擦,好多細微位都搞得掂,以後唔洗擦晒成個字 lu~

【接力推介Midori Mini Cleaner 桌上迷你清潔小車-可愛實用兼備,幫你清走枱面上嘅擦膠碎、釘書釘、細紙碎;車身容量大,做一次功課夠用有凸。

煩惱3)「有時叫佢寫吓生字,想搵張廢紙俾佢但好難寫得整齊。」

Momiji line slider 平行線音樂間尺-一把可以畫到六行等距平衡線嘅間尺,小朋友可以喺任何紙上畫方格、五線譜、結他 tab 線、英文書法練習線,學寫字、練樂理就方便好多。

煩惱4)「同一個筆刨係咪唔可以又刨鉛筆又刨顏色筆,否則好易壞?」

Staedtler 雙孔筆刨-顏色筆上嘅蠟有機會令筆刨變鈍,分開筆刨會較耐用。市面亦有鉛筆及顏色筆專用筆刨。如果講究,可選同品牌的筆和筆刨,達致最佳使用效果。

煩惱5)「睇阿囝功課,次次捉住佢逐條改,人都癲!」

Pilot 可擦印章-當發現細路功課做錯,可以印「X」喺旁邊做記認,改正後一次過擦返。呢款印仔仲有好多圖案選擇~

立即睇睇【相信孩子學會】022 簽名挑戰詳情 >>

Comments (0)

Leave a reply