5招育成愛吃菜孩子

一個細路肯食菜同生果，絕對係爸媽恩賜。其實好多細路都係未食先拒絕，過你5招對付揀飲擇食小朋友，終結每日三求／三鬧嘅日子。

1) 用得意造型吸引孩子

蔬果顏色鮮豔，絕對有潛力成為孩子感興趣嘅食物。利用模具喺蔬果上印出動物／花朵／汽車形狀、或切絲切粒，放入餸菜內，等小朋友不知不覺食晒落肚～

2) 和孩子一齊下廚

小朋友通常對烹飪都有興趣，爸媽可邀請孩子做小幫手，一齊整沙津，有人仲可能切切吓嘢時偷食添！; P

整green juice／smoothies／yogurt亦係個好方法，小朋友可以揀想要嘅材料，調出好味特飲～

立即睇睇【9 個快速處理水果方法】

3) 水中加入蔬果

如果小朋友只鐘意飲有味水，爸媽可嘗試喺水中加入少量蔬果片，如檸檬／青瓜／橙等，增添孩子飲水意欲，同時吸收維他命。

4) 以無糖蔬果乾做零食

天然不含添加糖嘅蔬果乾都可以幫手為孩子攝取每日部分所需嘅蔬果份量，健康有益。

5) 將選擇權交畀小朋友

雖然小朋友未必主動想食菜，但爸媽可試吓畀小朋友揀晚飯食邊種菜，話事權多啲，就算唔想食都唔會太反感。

立即睇睇【相信孩子學會】037 食菜詳情 >>