5個輕鬆整理玩具方法

5個輕鬆整理玩具方法
19 September, 2018 ohmykids
In Articles, TrustMyKids

收納是永不止息的…… 令執玩具變得簡單、好玩,大人細路都唔駛再喊晒口~

1) 玩具收納袋 Swoop Bags

美國製嘅 Swoop Bags 係走佬袋 x playmat,最啱放車仔、lego 等細粒又多散件嘅玩具。拉開袋口即玩,拉起索帶就行得,仲有不同尺寸選擇,居家旅行必備(仲要靚)~

了解更多 Swoop Bags>>

2) 善用收納工具

「顏色筆用到咁上下會斷,難收拾同儲存;無意中發現棉花棒盒同洗面粉膠盒size好好,而且有蓋,大人小朋友都易拎出黎用同收納。」

喺客廳或小朋友房劃分遊戲區,適當利用層架/儲物籃/膠明箱收納,配合孩子身高、喜好分類擺放,並喺收納用品上貼上標籤或照片,讓孩子也能好好自行整理。

3) 將收納責任交返畀小朋友

「開頭總係鐘意將全部嘢倒晒出嚟,但當自己要執時就發現大件事!用咗一段時間堅持要佢玩完一、兩樣玩具要收好先可以玩第二樣。宜家慣咗,收納時間快咗好多,大家都冇咁痛苦。」

由小朋友負責返執玩具工作,實行自己玩具自己執,了解並培養責任感。

4) 定時出清玩具

無論自己買定人哋送,唔清玩具只會有增無減,屋企愈嚟愈冇掟行。奉行一個原則:一件新玩具入屋就要同一件舊玩具say goodbye,嚴禁囤積玩具!!!

ohmykids 不定時舉辦【換玩玩具日】,小朋友帶住玩具到場,我哋會依玩具新舊程度同大小畀分,憑相應分數就可以將在場心愛嘅玩具帶返屋企!大部分玩具都可以玩過度過先換,培養小朋友分享、延續及「以物易物,珍惜資源」的品格 。

重溫活動花絮:
換玩玩具日+玩具診療所 2017AW >>
ohmykids X Green Monday 換玩玩具日 2017SS >>

5) 了解玩具價值

「兩個囡自從要自己畀錢買玩具,揀玩具時謹慎好多,買得都係好想好想要,甚少玩一兩次就唔玩。」

令細路明白玩具並唔係唾手可得,分配零用錢/利用日常獎勵儲分制,由佢哋決定點消費,體會付出及等待先可得到想要嘅嘢,從而了解玩具價值之餘,學會珍惜。

 

立即睇睇【相信孩子學會】043 玩具管理詳情 >>

Comments (0)

Leave a reply