【細路可以做針黹？】細路能處理的家政工作一覽

縫紉裁剪車縫燙係必學生活技能，日後補衫／爆呔有能力救亡外，仲可以訓練小朋友專注力同細心～

*小朋友初期使用針線、衣車及熨斗時，務必有大人陪同。

1) 【4至5歲】學針步

4 歲小朋友已可進行簡單針線縫紉，對小手肌肉發育好有幫助。由穿針、簡單針法到打結，家長可先示範，讓孩子有基本概念，再開始練習。

同初學寫字用 copy book 一樣，家長在布上先穿好所需嘅洞，亦可購買或自製針法布畀小朋友學習縫線，熟習後仲可以用自創圖案整 badge／totebag ?。

eguchi toys 縫工盒 >>

Felissimo 刺繡圖書套裝 >>

2) 【5至6歲】穿線

6 歲小朋友嘅小肌肉力量同靈活性已發育成熟；穿線需要高度專注及手眼協調，只要手夠定，初學時用粗針＋用水沾濕線頭，對細路嚟講穿過去並非難事。較細嘅小朋友亦可考慮使用兒童用膠針。唔少細路勁鐘意做屋企嘅穿線專員～

3) 【6至7歲】用衣車

終極打大佬——用衣車！坊間有唔少親子甚至專門畀小朋友嘅縫紉班，大人從旁指導，學習各種縫紉技巧，一手一腳學車衫、車袋，其實好多小朋友用兩、三次已經 handle 到。

4) 【8歲或以上】燙衫

燙衫需要一定嘅專注力同力氣，8歲嘅小朋友基本上已可處理更微細嘅動作，可選擇使用兒童專用小型熨斗，由燙自己手巾仔、校服入手，培養責任感亦踏出自理一步。

*小朋友初期使用針線、衣車及熨斗時，務必有大人陪同。

 

立即睇睇【相信孩子學會】050 挑戰縫紉詳情 >>